المنتديات "عربي .. شويه شويه"





حوالي 13 سنه مرت من يوم ما بديت في عالم الإنترنت و طبعاً مريت خلال هاذي الفترة بمراحل و مراحل .. بداية بمرحلة الفرجة على المواقع .. إلى مرحلة مايكروسوفت شات .. إلى المنتديات .. إلى التصميم .. الماسنجر .. الشات الصوتي .. و غيرها و غيرها ، و طبعاً بين كل مرحله أو مرحلتين لا بد من إستراحة كسل تطول أو تقصر مره شهر مره شهرين و أحياناً 6 أشهر .

و كل مره أرجع من فترة من فترات الكسل ألقى الدنيا تغيرت .. مره للأحسن .. و مرات كثير للأسوء و في هاذي الملاحظة بأتكلم عن شي تغير بــــكــــل تأكيد للأسوء و إسمحولي لو كنت دخلت في عينكم بكلمة "بكل تأكيد" و هذا الشي هو المنتديات .

الثقافة التسويقية بين السعودية ، دبي ، و المصارعة الحره



خطرت لي فكرة هاذي الملاحظة قبل حوالي أسبوع و أنا أتابع مقابلة لأخوي إبراهيم السحيباني لكن تراجعت أكثر من مرة عن كتابتها لسبب و هو إني ما أتوقع وجود جمهور كبير للمصارعة الحرة بين القراء و هذا يمنع الأكثرية من إستيعاب بعض النقاط إلي بأتكلم عنها .. لكن تذكرت مقولة "أكتب لنفسك و سيصل ما تكتبه للناس" و قررت إني أكتبها و بأحاول قد ما أقدر أوضح كل نقطة أكتبها .

بحكم إني من عشاق مدينة دبي و من أشد المعجبين بالعمل المستمر إلي تقوم فيه حكومة دبي في تطويرها ، و بحكم إني رضعت عشق المصارعة من يوم ما كان عمري 3 سنوات و بدأت متابعتها قبل أفلام كرتون ((الله يسامحك يا خالي)) ، و بحكم إني أولاً و قبل كل شيء سعودي و عاشق لكل حبة من تراب بلدي .. أستغرب ..

ليش ما نتعلم من ثقافة دبي التسويقية و كيفية تسويقهم حتى للمسامير في مدينتهم ؟

ليش ما نتعلم من المصارعة الحرة و كيف يستفيدوا حتى من أخطائهم تسويقياً ؟

مثلاً ..

أفلام ما عطوها حقها

كل يوم خميس أجتمع أنا و إثنين من أصدقائي إلي أعتبرهم أكثر من أخوان و نطلع نجرب مطعم جديد نتعشى فيه .. نتمشى .. و بعدين نتلم و نتفرج لنا فلم جديد ، علشان كذا جرت تسمية ليلة الخميس عندنا "Movies Night" يعني ليييلة الأفلام .
فبما إنه أنا و أصحابي يحقلنا نأخذ يوم إجازة ما نفكر فيه لا في شغل و لا مشاريع و لا غيره فحتى ملاحظات يحقلها بين فترة و فترة يكون فيها "ملاحظة جانبية" ترتاح فيها و تأخذ إجازة .

اليوم بأكتبلكم قائمة من أجمل الأفلام إلي شفتها و إلي حسب رأيي الشخصي ما أخذت حقها من الشهرة ، و أتمنى تسمعوا نصيحتي و تحملوا بعضها و تتفرجوا عليها .. و بأكون في إنتظار ارائكم .

The Bucket List

البلد : امريكا - سنة الإنتاج : 2007 - النوع : دراما - التصنيف : للجميع - تقييمي: 9/10
القصة : هروب شخصين مصابين بالسرطان و مهددين بالموت من المستشفى ، واحد منهم ملياردير (جاك نيكلسين) و الثاني ميكانيكي على قد حاله (مورجان فريمان) لتحقيق أحلامهم .
تعليق : فلم بتفكر بعد ما تشوفه في جملة وحده "ليش ما أحقق أحلامي ؟" .





 

ملاحظة مصورة (2)

أشارككم بمجموعة صور من جرايدنا .


وزير الزراعة بيأكل قرصان بدل الرز (عكاظ)

يعني إن شاء الله اللياقة بتكون تمام الموسم الجاي ؟
راح عليك يا شمراني لقب الهداف ...

أنا يصير مديري هندي ؟ يخسي (3) إنجازي


و أخيييراً الجزء الأخير من هاذي الملاحظة إلي أدري إني مره طولت فيها و قسمتها لأجزاء كثيرة لكن السبب الأساسي هو إن هذا الموضوع فعلاً رافع ضغطي و جايبلي الهم في حياتي .. تلاقي شباب سعوديين عندهم إمكانيات ممتازة .. و بدل ما يشد حيله و يطور نفسه يحط قدامه عذر تافه و يوصل لقناعه إنه بسبب هذا العذر ما هو قادر يتطور ((يعني يكذب الكذبه و يصدقها)) ... ما علينا ، المهم .

تكلمت في الجزء الأول من الملاحظة عن رأيي في قضية تعذر شباب كثير إنه إداراتهم أجنبيه علشان كذا ما هم قادرين ينجزوا في عملهم ، و حكيتكم في الجزء الثاني من الملاحظة عن قصتي و عن تجربتي مع الإدارات الأجنبية ، و في هذا الجزء بأحكيكم عن قصتين بشكل سريع .. الأولى قصة أكبر إنجاز في حياتي العملية ، و الثانية قصة الموظفين إلي كنت مديرهم في شركة عبداللطيف جميل ...

إشبك تطالع ؟

بحكم إني مدمن من طفولتي و بحكم إني مهمل من طفولتي جلست يوم الخميس الماضي بكل سعادة و بلا فخر في غرفة إنتظار مستشفى مغربي للأسنان أنتظر دوري عند دكتور علاج الأعصاب علشان يسويلي علاج عصب لأربعة أسنان في جلسة وحدة .

و طبعاً بما إني كنت عارف إنه هذا مصيري بعد 26 سنه إدمان شوكولاته و بعد 26 سنه إهمال في زيارة دكاترة الأسنان فكنت جالس بإبتسامة أكبر من مدخل المستشفى .. عارف إنه ورايه مجزره عند الدكتور و بيعطيني إبر بنج إلين ما تنمل عيوني و بيخرم في أسناني إلين ما يوصل لمعدتي .

و في نص سرحاني و جلستي الواثقة تنبهت لآنسه مرت من قدامي تفرصعلي بعيونها ((ما أعرف كيف أترجم كلمة تفرصعلي .. يعني تفتحلي عيونها و تنظرلي نظرة غضب و حنق)) أنا يوم لاحظت النظرة تنبهت و طار السرحان .. حطيت عيوني في الأرض و جلست أفكر .. يا ربي ليش تفرصعلي ؟ إيش سويتلها ؟ و إكتشفت بذكائي الخارق و سرعة بديهتي إنه الظاهر و الله أعلم إن الآنسة كانت تحسبني أبتسملها و سرحان في جمالها .. ما تدري إنه ورايه هولوكوست عند الدكتور و ماني فاضيلها .

أنا يصير مديري هندي ؟ يخسي (2) قصتي

تكلمت في الجزء الأول من الملاحظة "أنا يصير مديري هندي ؟ يخسي (1)"  عن موضوع العمل تحت إدارة أجنبي و قد إيش البعض يعتبره عيب و ذل و .. و .. و .. إلخ ، و أعطيت رأيي في هذا الموضوع .

و في هذا الجزء بأحكيكم حكايتي و إلي لها علاقة بالموضوع هذا .. إحم .. كان يا ما كان ((دخل جو)) .

بعد سنتين كطالب منتظم في الجامعة .. طفشت من الدراسة و قررت إني أغير دراستي لإنتساب و أبدأ أشتغل ، صح إني بأدفع 3 ألاف في الترم بدل ما أنا حالياً أخذ مكافأة بس أكيد بألقى وظيفة محترمه بأقدر أغطي منها حق الجامعة .

* لقيت أول وظيفة .. مسوق عن طريق الهاتف ، دوامين ، راتبها 2000 ريال ، كان لنا مديرين واحد هندي و واحد سعودي .. ضحكوا عليه و ما أعطوني راتب لمدة 4 شهور و بعدين أعطوني 1000 ريال .. يعني ((1000 ريال قسمة 4 شهور)) 250 ريال في الشهر .. و لا حق غسيل الثياب و الأكل .

طبعاً تركت الشغل و بدأت أدور عن وظيفة ثانية ..

إذا محجبه ... إنتحري


إذا محجبه لا تدخلي أي سوق .. كل البياعين يتشائموا من المحجبات .
إذا محجبه لا تروحي مستشفى .. موظفات الإستقبال حيلطعوكي ربع ساعه .
إذا محجبه لا تدخلي أي فرع لأي شركة إتصالات .. ما راح يعبروكي .. و ممكن توصل لإنهم يطردوكي من الفرع ((كأني وسعتها شويه ؟)) .
إذا محجبه لا تروحي أي محل ماركة معروفه .. بتصدعي البايعين من كثر تفكيرهم في سؤال واحد "يعععع محجبه .. إيش جابها هنا ؟" .
إذا محجبة لا تشتغلي في القطاع الخاص .. كثيرين و يمكن حتى أهلك بيتهموكي بالنفاق .
إذا محجبه لا تسمعي أغاني و لا تقري شعر ... هذا نفاق .
إذا محجبه لا تحلمي .. المفروض آخر همك إنك تتزوجي و تفقسي و تربي إلي فقستيهم .
إذا محجبه لا تتفرجي على الأخبار .. إيش فهمك إنتي في السياسة ؟
إذا محجبه لا تناقشي رجال .. "المفروض" بما إنك تخافي ربك تعرفي إنه الرجال قوامون على النساء .
إذا محجبه لا تجلسي مع الحريم إلا بتنانير و كم طويل .. بلا قلة أدب .
إذا محجبه لا تفكري .. خلي محرمك يفكر عنك .
إذا محجبة لا تدرسي طب .. ناقصين إختلاط و قلة أدب ؟

بإختصار .. إذا محجبه ..
لا تدخلي .. لا تروحي .. لا تشتغلي .. لا تسمعي .. لا تحلمي .. لا تتفرجي .. لا تناقشي .. لا تجلسي .. لا تفكري .. لا تدرسي .

إذا محجبه ... ريحينا منك و أنتحري .

الزبدة : للأسف .. فيه فئة في مجتمعنا تفكر بهاذي الطريقة .

.... عجبي .

أنا يصير مديري هندي ؟ يخسي (1)

كتبت في ملاحظة سابقة بإسم "المقابلات الشخصية .. قصص و مغامرات" عن بعض المواقف إلي مرت عليه في التوظيف و في المقابلات الشخصية ، و في هاذي الملاحظة بأكتب عن موضوع يتقاطع ((ملعوووبه يتقاطع)) مع الملاحظة السابقة في بعض النقاط .

و أنا أقلب في الإنترنت شفت أكثر من موقع فيها مواضيع تتكلم عن القهر إلي يعيش فيه السعودي تحت إدارة الأجانب .. و كيف إنه بعض السعوديين رافضين إنهم يشتغلوا تحت إدارة أجنبي ، و كيف إنه الأجنبي له كل المميزات و السعودي ماله و لا شي و جلست أفكر ...

كم واحد فينا إشتغل في شركة و كان مديره أجنبي ؟

كم واحد فينا إشتغل تحت إدارة أجنبي يأخذ أكثر من ضعف راتبه .. و يأخذ مميزات ما يحلم فيها .. غير الزيادات و خلافة .. ما تنقهر ؟ ما ينرفع ضغطك إنك في بلدك و فيه أجنبي مدير عليك ؟ إنك في بلدك و فيه واحد جاي من برى و يعيش عيشه إنت ما تحلم فيها ؟

و على فكره حتى هو قبل ما يجي هنا ما عمره كان يحلم فيها .

طيب .. إيش سويت علشان تطلع من القهر و حرقة الدم إلي إنت فيها ؟؟؟

ملاحظاتي على رسالة الشيخ يوسف الأحمد



نشرت رسالة للشيخ يوسف الأحمد حفظه الله و نفع به على موقع اليو تيوب أمس 18/5/2011 و تكلم في هذه الرسالة عن

أحوال المعتقلين أمنياً و تجاوزات المباحث في التعامل مع أهاليهم .. إلخ .

أنا بصراحة لاني خبير سياسي و لا مختص أمني و لا أنا ناشط في هذا المجال .. بس بأتكلم هنا عن اراء شخصية لمواطن عادي و ملاحظاتي على كلام الشيخ الله يحفظه .

ملاحظة مصورة (1)

أشارككم بشوية صور لملمتها من جرايد اليوم 17/5/2011 .

الإنتحابات الإنتخابات البلدية (شمس)



تقولكم جريدة شمس ((إقبال متزايد)) .. لاحظوا كيف الزحمه في الصالة .

ما في إلا واحد .. و الله أعلم إنه حافي .

شعاري : نجيها .. لـــــــــــو كانت نزيهه

مين هذا ؟



هذا الماثل أماكم في الصورة أيها السيدات و السادة .. سعيد .. حبشي الجنسيه .. متزوج .. ما عنده أولاد .. ناوي يجلس في السعودية كمان 3 سنين و يرجع الحبشه .. عامل نظافة .. راتبه 1500 .. يكرف من 7 و نص الصباح إلى 5 العصر ، يكنس و يمسح و يعطر و يحط مناديل و يغير أكياس زباله و يشيل و يحط و يجيب من البقاله و أحياناً يشتغل نجار و أحياناً مراسل .

يشتغل لحاله ، ما في أحد يساعده ، و لا فيه أحد يحل محله .

غير إسمه المسجل في الإقامة له عدة مسميات ثانية ((عامل النظافة ، الحبشي ، العامل)) .

أعرفها من عبايتها

أشتغل في شركة فيها قسم سيدات منفصل تماماً عن قسم الرجال .. حتى مدخلهم و مخرجهم منفصل عننا ، و الحمدلله كل السيدات إلي شغالين معانا بنات ناس و محترمات .. و ما أقول غير الله يديمها نعمه و يبعد عننا بعض العينات إلي تنعد على أصابع اليد الوحدة إلي ملت شركات حي الروضة .. و شارع التحلية .. و طريق الملك .. و بعض المستشفيات .. و الخالدية .. و عيادات الأسنان .. و مبنى بن حمران .. و عيادات التجميل .. و غيرها .

و مع كذا لااازم يطلعلك شي يكرهك في العمل في مكان فيه سيدات ... و للأسف في أغلب الأحيان يكون هذا الشي مو سببه السيدات .. بالعكس سببه الرجال ، مثال ....

فن الإعلانات البايخه

أحياناً تزعل إنه ربي رزقك شوية وقت فاضي تتفرج فيه على التلفزيون .. مره مسلسل كويتي إثنين فيه يموتوا كل خمسه دقايق .. و مره حروب و مجازر .. و مره مباراة فريقك فيها يأكل على رأسه ..... بس أكثر شي كرهني في التلفزيون هو الإعلانات .

خدمة العملاء ((هنا و هناك))

بحكم سفراتي العملية الكثيرة للعديد من الدول ((كذاب .. أبعد مكان رحته علشان الشغل كان الرياض)) .. خلاص .. نعيد من أول .

زرت عدد من الدول في رحلات سياحية على مر السنين .. لكن بصراحة ناوي أبطل هاذي العادة لأنها بجد صارت تكرهني في التسوق هنا ... أنا أقولكم إيش جاب هاذي لهاذي .

البلاك بيري

أعاني من مشكلة في النوم من فترة .. ما يجيني النوم إلا بعد حروب مع المخده و ساعات أتقلب فيها و لا دجاج الشواية في مطاعم البخاري .

و قبل فترة و أنا في عز الحروب مع المخدة جا على بالي سؤال .. ((في المتوسط .. كم مره في اليوم في عز سواليفك يطنشك شخص علشان يطالع في البلاك بيري؟)) للأسف ما ساعدني السؤال هذا على النوم .. بالعكس سهرني كمان ساعة ، جلست أفكر فيها .. و أعد .. و أحسب .. إلييييين ما إنخمدت. 

المقابلات الشخصية .. قصص و مغامرات

من أكثر مهام عملي إلي أستمتع فيها مهمة التوظيف للقسم إلي أشتغل فيه ، أستمتع بإختيار السير الذاتية ، المقابلات الشخصية .. إنتهاء بالتوظيف .

و أجمل شي في مهمة التوظيف هاذي هي التجارب الجديدة إلي تمر فيها خلالها ، و في هاذي الملاحظة ما راح ألت و أعجن كثير .. بس بأذكرلكم بعض المواقف إلي مرت علي خلال رحلاتي في البحث عن موظفين .

معاك خمسمية ريال ... إخص

فشيله يوم تروح محل و بعد ما تقضي تطالع في المحفظة و تلقى ما معاك فلوس .. وقتها مالك غير حل من حلين .. يا تطلع بطاقة البنك أو الفيزا لو عندك فيها فلوس .. أو تجري و لااا تطالع وراك و لا عمرك تطب هذاك المحل مره ثانيه .

بس الفشيلة الأكبر .. يوم يكون معاك ورقة بخمسمية ريال و حسابك أقل من مية ريال .. تطلعها و إنت مستحي و تبدأ تميل رأسك و تطالع في الكاشير و إنته تلعب بعيونك و تقوله ((معليش .. ما معايه صرف)) .

مو كل من مسك كاميرا صار "مصور فوتوغرافي"

أرتاح نفسياً يوم أوصل شغلي بدري .. أخذ قهوتي من سلمى (مديرة الشاهي و القهوة في شركتنا) في كوبي الخاص إلي تقريباً سعته الإستيعابية أكثر من المسابح الأولومبيه و أروح مكتبي .. أفتح الفيس بوك علشان أخذ نظرة سريعة إستعداداً ليوم عمل حافل .. و قبل ما ينتهي تحميل الصفحة تبدأ الإبداعات تظهر .. وحده .. ورى الثانية .

صورة كوب .. صورة شخاميط في دفتر .. صورة سيارة من عند الكفر .. و أول ما ينتهي تحميل الصفحة تبدأ تظهر تعليقات أهل العلم "المحترفين" على هاذي الإبداعات ((زاوية مبتكرة .. لقطة نادرة .. ستايل تصوير جديد)) .