13‏/05‏/2011

البلاك بيري

أعاني من مشكلة في النوم من فترة .. ما يجيني النوم إلا بعد حروب مع المخده و ساعات أتقلب فيها و لا دجاج الشواية في مطاعم البخاري .
و قبل فترة و أنا في عز الحروب مع المخدة جا على بالي سؤال .. ((في المتوسط .. كم مره في اليوم في عز سواليفك يطنشك شخص علشان يطالع في البلاك بيري؟)) للأسف ما ساعدني السؤال هذا على النوم .. بالعكس سهرني كمان ساعة ، جلست أفكر فيها .. و أعد .. و أحسب .. إلييييين ما إنخمدت. 

ثاني يوم قمت و لسه في بالي السؤال و قررت أخليه سؤال الأسبوع .. وصلت العمل و بدأت أسئل كل شخص أقابله نفس السؤال و أسجل الإجابات ، في نهاية اليوم طلع المتوسط ((مرتين)).

مرتين في اليوم يتم تطنيش شخص في نص سالفته بسبب البلاك بيري .. مرتين في اليوم الناس ((تنسحب)) أو بمعنى آخر ((تلقط وجهها)) أو في قول آخر ((تنصف)) علشان البلاك بيري .. فين الحكومة عن الموضوع هذا ؟ أتركوا عنكم سيول جدة و حوافز البطالة و الراتبين .. خليكم في البلاك بيري .

أحكيكم موقف متعبني نفسياً إلى اليوم ..

واحد من الشباب كنت مديره المباشر حوالي السنه و بعدين كل واحد فينا راح في طريقه .. بعدها بستة شهور سمعت من واحد من الزملاء إنه زواجه بعد أسبوعين و عزم الناس كلها .. بس أنا ما وصلتني عزيمته.

قلت و الله بكيفه .. ماني حاضر إذا ما إتصل بي أو أرسلي رساله .. و عدى الزواج و الرجال ما عبرني ، بعد الزواج بأسبوع إتصل بي ((وينك ؟ عيب عليك ما تحضر .. إلخ)) قلتله و الله إنت ما عزمتني و ماني جاي من دون عزيمه .. من زينك و لا من زين عشاك.
قلي ((يا أخي أرسلت العزيمة في البلاك بيري .. بالله ما وصلتك ؟؟)) .. طيب أنا ماني من أمة البلاك بيري .. أنا آي فوني .. مالي عزيمه ؟؟ أنا متخلف .. ما ينفع أحضر زواجكم ؟؟

جلست مره مع أحد أفراد الحزب البلاك بيري و سألته .. إيش الدوشه هاذي كلها على البلاك بيري ؟ إيش إلي مرررره يحمسك على البلاك بيري و يخليك أربع ساعه و عشرين حاط عينك فيه ؟

و كانت الإجابة إنه فيه نظام زي نظام الشات و القروبات و رسايل و صور و فيديوهات و إقتباساً من كلامه "فله" .

سألته .. طيب ليش أعضاء حزبكم يطنشونا في نص كلامنا و يطالعوا في البلاك بيري .. ما ينفع إنه "الفله" تنتظر إلين بعد نهاية الحوار ؟
رفع عينه من البلاك بيري و كانت إجابته ((.... ها؟)).

.... عطيته ظهري و مشيت .

للأسف كان ودي إني أتعرف على هذه الفئة أكثر .. هل لهم توجهات سياسيه ؟ ليبراليين ؟ إسلاميين ؟ بس الرجال كان مشغول "بفلته".

الزبدة:
  • على رأسي البلاك بيري و إلي يستخدموه بس يا عالم خلونا نستمتع بإلي بقي من التواصل الحي على الهواء مباشرة .. يكفي إنه ثلاثه أرباع تواصلنا ما بين فيس بوك و مسن و تويتر و مسجات و جوال و سكايب و شات.
  • إذا جيت تكتب على البلاك بيري .. لا تكلم نفسك .. ترى شكلك مو حلو أو بالأحرى ((مو طبيعي)).
  • إذا كنت ماشي في الشارع سواء على رجولك أو بالسيارة و حبيت تلعب في البلاك بيري الله يخليك (((((أوقف))))).
.... عجبي

14 التعليقات:

غير معرف يقول...

فعلاً .. انا يصير معايا كذا، ما أعرف عن الطلعات أو أخبار البنات أو اي شي لأنه ماعندي بلاك بيري، وأساساً أنا ماشريته عشان كذا، عشان حكاية التواصل الحي .. الحين تقول للناس البلاك بيري يلهيكم عن كل شي يقوللك بس تواصل، طيب أنا جالس بكبري معاك ! مو تواصل !

شكلي حأنضم لحزب الآي فون في القريب ان شاءالله :)

Mola7dat يقول...

تنورين الحزب أخت إسراء (sayapodcast) .. و صدقيني حزبنا ماشي حاله ((واسطات ، و منح ، و يحطونك في أول طابور طلبات البيك)) مسنعين نفسنا :).

سعدت كثيراً بتعليقك .. و يا ليتنا نتعلم الإعتدال .

● سِـﮪَـآمـ الـصـآلـح يقول...

ملاحظتك هذي بالصميييييييييم /‘
من جد هلكنا واحنا ما غير نلقط وجيهنا تكلم الواحد منهم وسوالفك لعمرك واستعد عاد للقهر لسألته سؤال وقال لك وشو هنا ام العبيد تركبك


اشكر نوره اللي حطت رابط مدونتك بتويتر أعجبتني الصراحه =)

Mola7dat يقول...

حياك الله إنتي و الأخت نوره يا أخت سهام .
و التلقيط .. الحمدلله صرت محترف فيه لدرجة إني صرت أشتاقله أحياناً .

سعدت بمرورك و لا تحرمينا طلتك :) .

شهـاب يقول...

فعلاً معاناة وأعاني منها كثير ..

دائماًاصدقائي يكلموني وضحك وفله ويجي ذاك الصوت طرنن .. يمسك جواله وينساني كاني مو معاااه
ومره كنت اسئل شخص سؤال طالع فيني بكل احترام وقال هاااا ..!!
كررت سؤالي طالع فيني وقال هااااااا!!
أستحيت من وجهي وبعدت عنه قام يلحقني شهاب شهاب ايش كنت تقووول ..
طالعت فيه وقلت له بالحرف الواحد (( انقلع))

وصلت لدرجة أني افكر واقول خلاص بكره اشتري بلاك بيري
لكن اهداء واقول بلاش
مره فرحت فرحت فرحت وأعتقد اي معارض فرح يوم قالوا الدولة انهم راح يمنعوا البلاك بيري
لكن ماتمت فرحتي .

Mola7dat يقول...

شهاب : آآآه يا شهاب .. أكره هذا الصوت .

أنا سويت زيك .. بعد ما قررت أغير جوالي أخذت من أخوي الصغير جهاز بلاك بيري و قلت خليني أشوف إيش هذا .
في ساعه و نص قررت إنه ما يناسبني .

و على قولك ... فرحتنا ما تمت :) .

لا عدمنا مرورك

Mola7dat يقول...

شهاب : آآآه يا شهاب .. أكره هذا الصوت .

أنا سويت زيك .. بعد ما قررت أغير جوالي أخذت من أخوي الصغير جهاز بلاك بيري و قلت خليني أشوف إيش هذا .
في ساعه و نص قررت إنه ما يناسبني .

و على قولك ... فرحتنا ما تمت :) .

لا عدمنا مرورك

شهـاب يقول...

فعلاً معاناة وأعاني منها كثير ..

دائماًاصدقائي يكلموني وضحك وفله ويجي ذاك الصوت طرنن .. يمسك جواله وينساني كاني مو معاااه
ومره كنت اسئل شخص سؤال طالع فيني بكل احترام وقال هاااا ..!!
كررت سؤالي طالع فيني وقال هااااااا!!
أستحيت من وجهي وبعدت عنه قام يلحقني شهاب شهاب ايش كنت تقووول ..
طالعت فيه وقلت له بالحرف الواحد (( انقلع))

وصلت لدرجة أني افكر واقول خلاص بكره اشتري بلاك بيري
لكن اهداء واقول بلاش
مره فرحت فرحت فرحت وأعتقد اي معارض فرح يوم قالوا الدولة انهم راح يمنعوا البلاك بيري
لكن ماتمت فرحتي .

علي آل ياسر الأسمري يقول...

ممم

فوفو فوفو يقول...

الله يلعن البيلاك بيري تصدقون في صديقتي كانت جالسه جنبي وقالت ارسلك رساله الحين وإقرائيها  قلت لها انتي ليش ما تقولين انا احب اسمع من فمك  قالت مافيني اقول بس ارسلك انقهرت قلت طيب ارسلي يا عاشقة بيلاك بيري  لما رسلت لي مكتوب فيها .... رجاء لاتزعجيني انا مشغوله بالبيلاك بيري ارسل لصحباتي من واتساب وفيس بوك ومسن خليني لحالي وفي الآخر كتب اهنيك بقرب رمضان مبارك *؟  مرررره اعصابي انخرب انا في بيتها وهي تلعب بالجوال وتراسل لصحباتها وما يعطيني وجه اخر زمن والله    اكرهك يا بيلاك بيري
 

مهووه يقول...

شهاب : آآآه يا شهاب .. أكره هذا الصوت .أنا سويت زيك .. بعد ما قررت أغير جوالي أخذت من أخوي الصغير جهاز بلاك بيري و قلت خليني أشوف إيش هذا .في ساعه و نص قررت إنه ما يناسبني .و على قولك ... فرحتنا ما تمت :) .لا عدمنا مرورك
إظهار المزيد

غير معرف يقول...

مو بسسس البلاك صار ممرض العصر

غير معرف يقول...

هههههههههههههاي

غير معرف يقول...

ههههههههههههههاي

إرسال تعليق